​Dëshmia e vëllait të kamerierit që u bë terrorist - Tri vjet mendonim se është në Zvicër, ai kishte qenë në Siri  - Android

Ilir Mustafa, nga Prishtina, pak kohë pasi kishte braktisur punën si kamerier në një nga klubet më të njohura në kryeqytet, “Zanzi Bar”, ishte nisur për në Siri. Kjo kishte ndodhur në vitin 2011, derisa familjes u kishte thënë se po shkon në Zvicër. Tri vite më pas, në vitin 2014, sipas të vëllait, familja e kishte kuptuar se Iliri nuk ndodhej në Zvicër por në ISIS. Këto i ka dëshmuar të hënën Suad Mustafa, në gjyqin për terrorizëm ndaj Shefqet Krasniqit, imamit të cilin ai e akuzon se ndikoi që i vëllai të bëhet terrorist.