‘’Hubble’’ kap pamjen më të madhe panoramike të universit - Android

Teleskopi Hapësinor ‘’Hubble’’ ka kapur një nga pamjet më të mëdha panoramike të universit, njoftoi agjencia hapësinore amerikane NASA.

Panorama më e madhe e universit e kapur ndonjëherë përfshin rreth 15 000 galaktika.

Krijimi i disa yjeve në pamjet e kapura me teknologjinë ultravjollcë të teleskopit ‘’Hubble’’ daton 11 miliardë vite më parë, transmeton ata

“Drita ultravjollcë ka qenë pjesa që mungonte në enigmën kozmike”, tha NASA, duke shtuar se shkencëtarët mund të shohin një nga portretet më të plota të universit duke kombinuar vëzhgimet infra të kuqe dhe optike të kapura nga ‘’Hubble’’ dhe teleskopët e tjerë hapësinorë.

Teleskopi ‘’Hubble’’, që u ideua bashkarisht nga NASA, Agjencia Evropiane Hapësinore dhe Instituti Shkencor i Teleskopit Hapësinor, ka kryer vëzhgime hapësinore në orbitën e Tokës që nga viti 1990.