Enver Hasani godet Prokurorinë e Shtetit - Lumezi ka përdorur dokument të falsifikuar - Android

Imazhi i institucioneve të drejtësisë në Kosovë ka marrë këto ditë edhe një goditje të re. Pas raporteve vlerësuese nga organizata vendore e ndërkombëtare, përfshirë edhe raportet e progresit të Komisionit Evropian, ku kritikohet performanca e prokurorisë dhe gjyqësorit, këto ditë, protagonist i zhvillimeve, që u vlerësuan aspak të mira për imazhin e sistemit të drejtësisë, ishte vetë Kryeprokurori i Shtetit, Aleksandër Lumezi. Ai akuzohej nga ish-rektori i Universitetit të Prishtinës dhe ish-kryetari i Gjykatës Kushtetuese, Enver Hasani, se e kishte falsifikuar provimin e jurisprudencës.