Junikasit thonë se u ofenduan nga Driton Selmanaj - Android

Deputeti i Kuvendit të Kosovës nga radhët e Lidhjes Demokratike të Kosovës, Driton Selmanaj, ditë më parë ka goditur kryeministrin e vendit, Ramush Haradinaj. Në emisionin “Pressing”, me Leonard Kerqukin, në televizionin T7, Selmanaj ka thënë se Haradinaj, sipas tij, s'e meriton të jetë as kryetar i Junikut. Ai ka thënë se Haradinaj duhet sa më parë të largohet nga posti i shefit të ekzekutivit të vendit. E ndaj këtyre deklaratave kanë reaguar qytetarët e Junikut. Ata thonë se këto deklarime janë ofenduese dhe dashakeqëse për qytetarët e këtij vendi.