Kongresi i bën “gjyqin” Mark Zuckerberg - Kemi ndihmuar në fushatën e Trump - Android

Themeluesi i Facebook, Mark Zuckerberg ka dalë për të dëshmuar përpara Kongresit për skandalin e të dhënave që preku miliona përdorues.

Ai kërkoi përsëri ndjesë publike për skandalin e privatësisë që ka dëmtuar emrin e gjigantit të medias sociale më popullor në botë të themeluar prej tij më shumë se një dekadë më parë.

Zuckerberg u përpoq të siguronte ligjvënësit, duke thënë se Facebook do të hetonte ‘çdo aplikacion të vetëm që kishte qasje në një sasi të madhe informacioni’ në këtë faqe interneti.

“Ne besojmë se do të hetojmë shumë aplikacione – dhjetëra mijëra aplikacione,” i tha ai Kongresit. ‘Dhe nëse gjejmë ndonjë aktivitet të dyshimtë, ne do të kryejmë një auditim të plotë të këtyre aplikacioneve për të kuptuar se si po përdorin të dhënat e tyre dhe nëse po bëjnë ndonjë gjë të pahijshme.

Senatorja Maria Cantwell pyeti nëse punonjësit e tij kanë qenë të përfshirë në Cambridge Analytica gjatë fushatës presidenciale të vitit 2016 duke thënë se nuk e dinte ekzaktësisht këtë gjë.

“E di se kemi ndihmuar fushatën e Trump me mbështetjen e shitjeve, ashtu sic kemi punuar me fushatat e tjera”, tha Zuckerberg .

Senatorja Dianne Feinstein e pyeti se çfarë po bënte Facebook për të ndaluar aktorët e huaj që të ndërhynin në zgjedhjet e ShBA. Dhe deklaroi se ndihet shumë keq për atë që ndodhi në vitin 2016, në zgjedhjet që Trump u fitoi si president.

“Kjo është një nga prioritetet e mia më të mëdha në vitin 2018 për të marrë këtë të drejtë,” u përgjigj Zuckerberg. “Një nga keqardhjet më të mëdha në drejtimin e kompanisë është se ne ishim të ngadalshëm në identifikimin e operacioneve të informacionit rus në vitin 2016. ‘

“Ka njerëz në Rusi, puna e të cilëve është, është të përpiqen të shfrytëzojnë sistemet tona … Pra, kjo është një garë armatimi”, tha Zuckerberg.

Disa demonstrues janë pjesëmarrës në seancën dëgjimore të Komisionit të Drejtësisë dhe Komisionit të Senatit me Zuckerberg dhe kanë dalë në mbrojtje të themeluesit me pankarta.

“Mbroni privatësinë tonë, ndalo spiunimin e koorporatave”, thuhej në disa shkrime. Kjo ishte shenjë e hapur se nuk po i bashkoheshin lëvizjes #DeleteFacebook.

Dalja e tij e parë publike para Senatit ka ndikuar menjëherë në aksionet e Facebook, të cilat janë rritur me 5% .

Kjo seancë po ndikon dhe në rrjete tjera sociale, të konsideruara si platforma të mëdha. Aksionet e Google/Youtube janë rritur me 2%, ndërsa Twitter me 7.5%.(TemA TV)