Kurti apo Molliqaj Të dielën mbledhja e Këshillit të Përgjithshëm të VV-së - Android

Lëvizja Vetëvendosje ka mbledhur sot nënshkrimet e mjaftueshme të delegatëve të Këshillit të Përgjithshëm për të mbajtur mbledhje të këtij organi më të lartë vendimmarrës ditën e diel. Këtë njoftim e ka bërë Lëvizja Vetëvendosje në faqen e saj zyrtare në Facebook. Kujtojmë se në këtë organizatë së fundmi janë shpërfaqur dallime të mëdha mes zyrtarëve të këtij subjekti, kryesisht në mes të Albin Kurtit dhe Dardan Molliqajt. Ky i fundit është shprehur kundër kandidimit të Kurtit për të parin e partisë.