Këtë vit 26 mijë kosovarë dhuruan gjak, shumica për të lënduarit në aksidente - Android

E premtja që shkoi mund të ketë qenë fatale për 37 vjeçaren nga komuna e Gjakovës, Arlinda Himajn. Ajo kishte mbetur shtatzënë dhe priste fëmijë binjakë kur në javën e 25’të asaj i janë paraqitur komplikime duke e quar kështu në një gjendje shoku si pasojë e gjakderdhjes së madhe. Për ta mbajtur Arlindën në jetë mjekët e QKUK’së punuan më shumë se shtatë orë në sallën e operimit. U deshën më shumë se 20 doza gjaku që nëna nga Gjakova të mund t’i mbijetojë operacionit.