Miratohet ligji kundër rrjeteve sociale në Turqi, reagon Amnesty International - Erdogan po vendos censurë - Android

Ligji i ri u propozua nga partia AKP e Presidentit Rexhep Tajip Erdogan, dhe aleati i tij, nacionalisti Mhp, të cilët kanë shumicën në Parlamentin turk

Amnesty International: Ligji antisocial është censurë

Në lidhje me këtë ka reaguar edhe ‘Amnesty International’ e cila e ka cilësuar ligjin e ri si antisocial. Sipas saj, ligji turk për media sociale “do të forcojë pozitat e qeverisë për të censuruar përmbajtjen dhe ndjekur penalisht përdoruesit e internetit”.

“Kjo është një shkelje e qartë e së drejtës së lirisë së shprehjes në internet,” tha Andrew Gardner, një studiues i OJQ-ve në Turqi.

Sipas Amnesty International, “Ky është sulmi më i fundit ndaj lirisë së shprehjes në Turqi. Ndërkohë shumë gazetarë po kalojnë vite të tëra pas hekurave për lajmet e tyre kritike nga Ankarasë zyrtare. Përdoruesit e mediave sociale tani duhet të vetë-censurohen nga frika e ‘ofendimit’ të autoriteteve”, gjë e cila shkel të drejtat e njeriut dhe standardet ndërkombëtare”.

Human Rights Watch gjithashtu ka ngritur alarmin edhe për rregulloren e re. “Media sociale – nënvizoi OJQ – është vendimtare për shumë njerëz që i përdorin ato për t’u informuar. Ky ligj hap dyert e një periudhe të errët të censurimit në internet”.