Ndahet nga jeta shkencëtari me famë botërore, Stephen Hawking - Android

Astrofizikanti me famë botërore, Stephen Hawking, ka ndërruar jetë në moshën 76-vjeçare.

Lajmin e bën të ditur zëdhënësi i familjes së tij.

Hawking ka ndërruar jetë në shtëpinë e tij në Kembrixh.

“Me dhimbje të thellë njoftojmë se babai ynë ka ndërruar jetë”, bënë të ditur fëmijët e shkencëtarit: Lucy, Robert e Tim.

“Ai ishte një shkencëtar i madh dhe një njeri i jashtëzakonshëm, puna e të cilit do të jetojë për vite të tëra.

Kuraja dhe humori i tij do ta frymëzojnë botën për shumë kohë”, shprehen ata nëpërmjet zëdhënësit.

Hawking vuante nga skleroza laterale e atrofizuar, sëmundje që e ka detyruar të qëndrojë në një karrige me rrota përgjatë pjesës më të madhe të jetës.

Ai është diagnostikuar me SLA në moshën 21-vjeçare.

Profesor në Universitetin e Kembrixhit, Hawking ishte i pari që hodhi idenë e vrimave të zeza që lëshojnë rrezatim.

Teoria e tij shpjegonse vrimat e zeza kanë ekzistuar në dimensione të vogla që në kohën e Big Bangut.

Libri i tij “Nga Big Bangu te vrimat e zeza, një histori e shkurtër në kohë”, i publikuar në vitin 1988, i dha famë botërore, me 10 milionë kopje të shitura në 40 gjuhë të botës.(TemA TV)