SHBA, plane për rikthimin e njeriut në hapësirë - Android
Presidenti Donald Trump do të nënshkruajë sot një direktivë me të cilën urdhëron Administratën Kombëtare të Hapësirës për të rigjallëruar programin e eksplorimit të hapësirës, që synon dërgimin e astronautëve amerikanë në Hënë dhe përfundimisht në Mars.
“Presidenti dëgjoi rekomandimet e Këshillit Kombëtar të Hapësirës dhe ka vendosur të ndryshojë politikën e fluturimeve me njerëz në hapësirë që Amerika të bëhet forca lëvizëse për industrinë e hapësirës, të fitojë njohuri të reja mbi kozmosin dhe të krijojë teknologji të papara,” tha në një deklaratë të hënën zëvendës sekretari i shtypit i Shtëpisë së Bardhë, Hogan Gidley.
“Që nga fillimi i administratës së tij, Presidenti Trump ka ndërmarrë hapa për ta përqendruar NASA-n te misioni i saj kryesor i eksplorimit të hapësirës”, tha ai.
Zoti Trump e ka bërë të qartë se ai dëshiron që Shtetet e Bashkuara t’i rikthehen në përmasa të mëdha eksplorimit të hapësirës.
Zëvendëspresidenti Mike Pence, që është kreu i Këshillit Kombëtar të Hapësirës, tha në tetor se qëllimi i programit do të ishte rikthimi i rolit udhëheqës të Amerikës në eksplorimet me njerëz në hapësirë.
“Ne do t’i kthejmë astronautët amerikanë në Hënë, jo vetëm për të lënë atje gjurmët e këmbëve dhe flamuj, por për të ndërtuar bazat që na nevojiten për të dërguar amerikanët në Mars dhe më gjerë”, tha zëvendëspresidenti.
11/12/2017 08:37 PM
11/12/2017 08:00 AM
11/12/2017 03:16 PM
11/12/2017 09:26 PM
11/12/2017 10:35 PM
11/12/2017 09:57 PM
11/12/2017 08:00 AM
11/12/2017 08:03 AM
2014 © Aplikacionet dhe lajme për Shqipërinë
