Shkruan Berat Buzhala - Kjo është dëshmia ime për Betejën e Kaliningradit (1) - Android

Mëngjesin e ditës kur do të luhej ndeshja politiko - sportive, Zvicër - Serbi, unë isha zgjuar duke i lëpirë plagët që ende po më kullonin, nga humbja e një nate më parë e Argjentinës, në Nizhny Novgorod. Kroacia e shkeli atë me një rezultat turpërues. Nëse para syve të mi do të humbiste edhe Zvicra, atëherë zyrtarisht do të shpallësha njeriu që sjell fatkeqësi në futboll. Mirëpo, kisha harruar që unë po shkoja në Kaliningrad, përvec tjerash, edhe për t'u përballur me mijëra nacionalist rusë dhe serb. Kjo është dëshmia ime.