Tetë orë diskutime, asnjë marrëveshje - gjithçka që ndodhi në mbledhjen e VV'së - Android

Lëvizja Vetëvendosje, e përçarë nga mosmarrëveshjet, të hënën ka mbajtur një mbledhje të përbashkët të Kryesisë dhe të Grupit Parlamentar të saj, në përpjekje për të zgjidhur problemet e brendshme në parti. Mbledhja, që ka zgjatur tetë orë, nuk ka prodhuar asnjë marrëveshje. Albin Kurti, kandidimi i të cilit për kryetar të VV’së konsiderohet të jetë arsyeja kryesore e përçarjes së partisë opozitare, pas mbledhjes ka thënë vetëm se diskutimet në parti do të vazhdojnë.