“Volkswagen” prodhoi 6 milionë vetura gjatë vitit 2017 - Android

Për ta kuptuar se sa i madh është “Volkswagen”, kjo markë gjermane ka mbi 60 modele që prodhon në më shumë se 50 fabrika në 14 shtete të ndryshme të botës.

“Volkswagen” po korr suksese të mëdha me modelet e reja të saja, duke shënuar një moment historik e të rëndësishëm për të.

Kompania thotë se brenda vitit 2017 ka prodhuar 6 milionë vetura.

Përderisa numri i modeleve të familjes së “Volkswagen” është rritur, si me T-ROC, Tiguan Allspace e Atlas, emrat e modeleve më familjarë kanë bërë “punën e rëndë” për të arritur këtë sukses.

Modelet Polo, Golf, Jetta e Passat kanë qenë më të shiturit e “Volkswagen” në 2017-ën, së bashku me modelin Santana i cili ofrohet në shumë versione në Kinë.

“Volkswagen” deri tani ka shitur mbi 150 milionë vetura.