Astronomët - Zbulohet një planet i ri, tri herë më i madh se Toka - Android
Astronomët thonë se kanë gjetur një planet të ri gati tri herë më të madh se Toka.
Studimi i botuar të mërkurën në Revistën mbretërore Astronomike tregon se trupi qiellor “NGTS-4b” është i ngjashëm me Neptunin dhe e kanë pagëzuar tashmë me emrin “Planeti i ndaluar”.
Eksoplaneti, i quajtur kështu për shkak se ekziston jashtë sistemit tonë diellor, u zbulua në shkretëtirën neptuniane, shkruan tch.
Kjo zonë merr një nxehtësi dhe rrezatim aq të fortë, saqë fillimisht ishte menduar se planetet aty nuk do të ishin në gjendje ta ruanin atmosferën e tyre të gaztë.
Por “NGTS-4b” ka arritur ta bëjë këtë, ndaj ju vu pseudonimi “i ndaluari”. Ky planet është shumë afër yllit të vet, të cilin e orbiton çdo 1.3 ditë. “Pra, një vit në këtë planet është vetëm 1.3 ditë”, tha Daniel Bayliss, nga Universiteti i Warwick-ut.
“Kur ndodhesh aq pranë një ylli merr rrezatim të mjaftueshëm sa për t’i fshirë shtresat e atmosferës së një planeti të përmasave të Neptunit. Ne mendojmë se temperatura atje mund të jetë ndoshta rreth 1.000 gradë Celsius”, vazhdon eksperti.
“NGTS-4b” është 920 vite-dritë larg planetit tonë.
31/05/2019 02:44 PM
31/05/2019 10:01 AM
31/05/2019 04:56 PM
31/05/2019 04:56 PM
31/05/2019 08:31 AM
2014 © Aplikacionet dhe lajme për Shqipërinë
