Nga 31 dhjetori… një njoftim shumë i rëndësishëm për përdoruesit e ‘WhatsApp’ dhe që kanë këta modele telefonash… - Android

Një nga aplikacionet më të populluara të dërgimit të mesazheve në botë, nuk do të ofrojë më mbështetje për sistemet operative “BlackBerry”, “Microsoft Windows” dhe “Nokia”.

Lajmin e bëri të ditur vetë kompania nëpërmjet një postimi në faqen zyrtare të saj.

Sipas njoftimit, përdoruesit e “BlackBerry OS” dhe “BlackBerry 10”, “Windows Phone 8.0” dhe pajisjet më të vjetra, si dhe “Nokia S40”, nuk do të jenë në gjendje të përdorim “WhatsApp-in” siç duhet pas 31 dhjetorit 2017.

“Për shkak se nuk do të ofrojmë më aktivitete për këto platforma, disa karakteristika mund të mos funksionojnë në çdo kohë”,- thuhet ndër të tjera në njoftim.

Sipas njoftimit të kompanisë, edhe pse këto pajisje kanë qenë pjesë e rëndësishme e historisë së aplikacionit, nuk ofrojnë më aftësitë e nevojshme për të zgjeruar karakteristikat e “WhatsApp”.