Çfarë është “Ora e Ditës së Kijametit” - Android
Rritja e shqetësimeve rreth një lufte të mundshme bërthamore dhe kërcënimeve të tjera globale kanë shtyrë përpara orën e “Ditës së Kijametit” simbolikisht nga 30 sekonda – në vetëm dy minuta para mesnatës.
Buletini i Shkencëtarëve Atomike (BAS) me një veprim të tillë dëshironte të paralajmëronte se bota po bëhej gjithnjë e “më e rrezikshme”.
Ora, e krijuar nga revista në vitin 1947, është një metaforë për atë se sa afër ndodhet njerëzimi nga shkatërrimi i Tokës.
Rreziku nga një apokalips është më i madh sesa në vitin 1953.
Ky ishte viti kur SHBA dhe Bashkimi Sovjetik testuan bombat e hidrogjenit.
Edhe vitin e kaluar, ora u zhvendos përpara, dhe atë për 30 sekonda.
Në ceremoni do të marrin pjesë shkencëtarë të shumtë, të cilët do të flasin për “Ditën e Kijametit”, e cila simbolizon mundësinë e shkatërrimit bërthamor të botës.
Ky tubim, i cili zhvillohet çdo vit, është pjesërisht ceremonial në kuadër të të cilit shkencëtarët botërorë shprehin mendimin e tyre se sa në rrezik ndodhet bota sot nga shpërthimi i një katastrofe bërthamore, por gjithashtu ka një mesazh të rëndësishëm për të gjithë botën, meqenëse parashikimet e tij vijnë nga ekspertë të shkëlqyer.
Ora është në fakt një mënyrë për t’i treguar botës seriozitetin e kërcënimit të shkatërrimit të gjithë qytetërimit në Tokë. Sa më tepër që i afrohemi numrit 12 aq më i madh është rreziku. Gjithashtu, nëse zvogohet rreziku nga “Dita e Kijametit”, largohen edhe akrepat nga mesnata.
Në shumicën e rasteve, deri tani, këto akrepa janë vendosur mes dy dhe dhjetë minuta deri në mesnatë, dhe parashikimi më i sigurtë ishte në vitin 1990. Për momentin akrepat e orës ndodhen dy minuta e gjysmë para mesnatës, një precedent që është bërë vitin e kaluar, duke qenë se akrepat kurdisen në minuta të plota.
Shkencëtarët pritet të lëvizin akrepat e orës edhe më afër mesnatës, të paktën për atë gjysmë-minuti, pasi që asnjë kërcënim për njerëzimin që u theksua vitin e kaluar nuk është zhdukur, ndërkohë që po shfaqen të reja.
Vitin e kaluar, kur akrepat e orës u zhvendosën në pikën më të afërt të fundit të botës, shkencëtarët dërguan një mesazh të qartë liderëve të botës. “Mundësia e një katastrofe globale është shumë afër dhe veprimi i shpejtë është i nevojshëm për të zvogëluar rreziqet”, u tha vitin e kaluar. (Tesheshi.com)
27/01/2018 08:52 AM
27/01/2018 07:42 AM
27/01/2018 08:03 AM
27/01/2018 05:42 PM
27/01/2018 08:01 PM
27/01/2018 03:05 PM
27/01/2018 12:41 PM
2014 © Aplikacionet dhe lajme për Shqipërinë
